大家好，近排小弟工作煩忙，冇太多時間能夠分享影音心得。只有之前邀得 Lee388 及輝兄到府上聽下我套不入流的 CAS 系統。大家唔介意就 click 以下 link 睇下。
講返今次o既主角，Wilson's Audio Lab 出品o既 Fuse，話說上個月上去肥槍到聽歌時佢話剛o黎左條香港 Handmade 做o既 Fuse。香港製造o波，當然要支持試下啦！香港人加油！！！！！
一睇條 Fuse，點解咁有趣，一邊係金色，而另一邊係銀色o既？ 肥槍就同我講，跟據代理話，插是但一邊出o黎都會有唔同聲音效果。咁鬼神奇？！未試過o波！！好，一於試下佢。
可以見到 Fuse 一邊係金色，一邊係銀色。
因為想盡快試到呢隻 Fuse 係乜料，而比較快的方法係將佢用於 source，所以今次就試將兩枝 Fuse 植入 Weiss DSP502 測試。
首先試o既係將支 Fuse 個銀色個面接到 L o個邊，Run In o左大概兩個鐘之後開始聽，參考曲目為近期非常鍾意的綾戸 智絵 LIVE！ - Disc 01 - JAZZ CLUB SIDE December 12, 2000 Tokyo STB139 日本頭版 Ripped。
聽第一 track 01 - Only You，一開始覺得聲音比起現在服役的 SR Blue Fuse 實在o左，但聽真 D，有 D 唔對路，空間唔夠寬闊，而人聲一出時，發覺比較混瀆，配合埋鋼琴聲時，D 聲有 D 說不出的奇怪，唔係唔好聽，但硬係有 D 說不出的奇怪。而音場就有少許細o左。
聽罷此曲，就熄機將頭尾對調。今次金色在 L 方向，再 Run In，聽返同一隻曲目。鋼琴聲一出，即刻聽到有分別，鏗鏘的聲音傳到地下，隱約聽到 double bass 的餘響，到綾戸 智絵的人聲一出，得！！之前混瀆的聲音一掃而空，換來的是清脆，豐滿的人聲及鋼琴聲，堂音亦伴隨鋼琴聲遊走整個聆聽空間，比之前大o左兩個碼，而人聲清脆得o黎又帶上一份淡淡的甜味，顯得令人陶醉。合上眼睛，很快便將整將碟聽完。
再試一下鬼太鼓座 I，沉實的低音夾雜著強勁的 double bass，再加上浩大的堂音，震撼心靈。我諗今次我揀o岩o左，插中o左啦！！
至於一定會有人問我與其他 Fuse 的分別，它當然不及 Zero 以及班馬的級數，但當我知道價錢時，好鬼死抵玩（唔好問我幾錢呀，總之抵啦！！）
後記：我到依家都未有打算抽返佢出o黎！
Source:
史的墳 @ Hiendy.com