top of page
搜尋

補品小報告 1 : Wilson's Audio Lab - Reference P (Power Chord)

小弟好耐都冇係呢度出 post 了, 今次想分享下之前大版主都出過 report 的 Wilson's Audio Lab - Reference P (Power Chord):


小弟岩岩換完老麥 MA7000, 放左部舊 amp, 當然要買返 d 補品比佢!


因為小弟以往都未有一條好 d 既電源線, 所以第一件事都係向呢方向落手, 但 budget 有限, 又想買埋 RCA 同 Jumper...所以四圍睇 post, 最後搵到兩位本地自家製作線材的師兄, 一問之下, 價錢係 budget 內, 而且原來佢地有借線服務! 真係岩哂我呢 d 線材新手, 可以借返屋企慢慢試.


話說同 Wilson 師兄傾完一陣, 發現佢對 neotech 同 Inakustik 呢兩個牌子都有較深的認識, 其實本身有考慮過買 neotech 的 RCA 同 Power Chord, 而 Wilson 兄提及到佢既線材性價比不會比呢兩個品牌差, 一於借黎試下!


小弟係連拎都未拎過一條好 d 既電源線上手, 借個下一拎就覺得好重, 原來電源線可以咁重身的! 佢線身唔算太硬, 可以屈到的, 都幾靚仔! 另外因為自己用緊英式牆插, 用呢條線時 Wilson 師兄借多左個英轉美式既 Adapter 先用到, 當然要放返粒 SR Black 落去先啦













我將佢插左落老麥之後開機, 第一個感覺係好靜, 靜到黑! 細心聽, 闊左, 定位穩陣左, 高音伸延好左好多! 帶立體感! 唔知係咪因為佢好靜, 所以大細聲對比度明顯左! 可以聽到 d 聲係細好細聲慢慢變大 (以前聽唔到最細聲個下, 係由中聲量開始先聽到變大的), 控製力好好! 仲有一樣好緊要既, 就係呢條線係三頻好平均, 冇改變音色.


總括黎講, 呢條線好力冇音染, 三頻平均, 分析力都唔弱, 小弟覺得用佢黎聽樂器聲係特別好, 因為夠靜, 而且高低音伸延都好好, 聽每樣樂器時唔會亂, 尤其鼓聲更加好, 多起上黎都有氣有力! 條線既質素小弟覺得性價比係超高! 同埋係本地品牌, 更加值得支持! 遲下入返條英式插黎比拖板先




Source :


hoyin13 @ Hiendy.com

8 次查看0 則留言

Bình luận


bottom of page