top of page
搜尋

都話唔試架啦系列 - Wilson's Audio Lab Legend P + Silver Reference XLR

小弟第一次出post,請多多指教。


話說自己係新手,成日都覺得換線既分別唔會好大,由其覺得電源線換唔換都無咩所謂,自己又可能聽唔出,同埋去音響鋪試線,根本唔知靚聲既來源治自於佢地套貴器材定係線材。總之成日覺得買左返屋企,都唔會有好大進步,所以遲遲都唔肯買貴線。直至我用左光速309,依個世界原來可以咁唔同,依個post 唔係講光速而係本地品牌Made in HK 既Wilson's Audio Lab.


小弟入門器材如下。

Speaker: Sonus Faber Venere 3.0

CDP: Ayon CD-10

Amp: Audia Flight 3S

Streamer: Cocktail X50


換左309,令到我依個鄉下仔大開耳界,我深深感受到原來換電處同電源線都可以影響好大,所以我就開始尋覓線材之旅。我講過,我出去坊間音響鋪聽線材,自己根本唔夠班去分辨出條線材係咩聲底,取向,質地,我唔識想像減去某部器材既聲音而得出條線材既聲音。所以.............等到我透過網友Vincent 兄而認識Wilson's 既線材,而我既換線大計就開始了。


Wilson's 既線材係可以借返屋企試,依個就真真正正可以試出條線材喺自己屋企既聲音。我一開始借左Legend P 同 Ref2 P. 分別插落Int Amp 同CDP。 首先我試Ref2 插落Int Amp, 聽感係Ref2 淡淡定定,整體有提升,背景黑左,但唔係一聽落去有"wow" 既感覺,但已經比我本身用既電源線好,係全面既進步,唔會係突出咁part。 聽左幾日,又試下條Legend P 先。





今次真係"wow", 一插落去有一種好吸引既聲音,高低音伸延好好,所以個立體感空氣感出哂來,背景更黑更靜,我聽多左好多弱音。不過Legend P 插去我既int amp,會有小小過衡既現象,低音有小小肥,耐聽度不及ref2,可能同我用緊既器材有關。之後我再試將Legend P 插去CDP,得!得左!我終於搵到Legend P 最適合配既器材了(只限我套機)。頭先講既進步全部保留,佢仲令到D 線條更靚,真係好吸引,完全唔想蚊返出黎,所以決定入手了。不過由於低音肥既問題仍然存在,同Wilson 兄溝通後,決定再借埋佢既Silver Reference XLR。


同場加映 - Silver Reference XLR




本身無諗過換XLR,我係用緊既係Oyaide AR-910。我對條910 都幾滿意,以佢既價錢買到純銀XLR,真係無得輸。由於想解決低音有小小肥既問題,所以試下條Silver Reference XLR。一換落去,聽左半首歌,我已經講哂粗口 xxyy,痴_線架,點解可以有咁大既進步?Shut up and take my money!依條線我唔洗再試了,已經決定比錢(我未問個價)。

個聽感係音場開揚左好多,空氣感,泛音都好左,但唔會降低本身既密度,背景好靜(我插埋地盒)但唔係死靜,微動態做得好好。高低伸延再進一步,細緻度,清晰度再提升,好似揭開左塊紗咁,講到依度我都覺得我自己變左打手。To be honest,佢比我用緊既Oyaide AR-910 好係應該既,因為價錢Silver Reference 比910 貴3倍(最後問左先知,不過已決定入手),同埋佢幫我解決左個低音有D 肥,同埋太衡既問題,依3倍價錢係值既!

最後原來Silver Reference 有兩個版本,一個係碳纖頭,一個係純銀頭,我兩條都有試,最後我係入手碳纖頭,原因係配合我套器材多D。純銀頭對我set 野,都係太過衡,雖然純銀頭既質素再好D。


唔覺唔覺寫得太多添,唔好意思,阻大家咁多時間。Thank you :)




Source:


Garysonacci @ Hiendy.com

11 次查看0 則留言

Comments


bottom of page